ص ي ف 07

.,’\

.

زحمه يادونيا .,!’

.

,

أجساد متلاصقه ..ـ

,’ تتزاحم تحت شعار من سبق لبق

جاهله لـ معنى نظام

.

و أجساد قذره وجودها بجانبي هو ابتلاء من الله ..

وحتى اخفف على نفسي .. أقول مأجوره لـ صبري

..

وأجساد مسكيينه .. متعلقة بروح صاحبها

على أمل انه في يوم و بـ لحظة تاريخية يـتغير للأحسن .,!ـ

..

بعضهم أجساد ارتديناها لتخفي مخاوفنا .. ضعفنا .. انكسارنا

وبعضهم تـنتظر من يظهر الجانب الطيب فيهم .,’ـ

\.,’

..

.

.

.

.

ما كتب أعلاه .. كنت كاتبته بـ موبايلي بلحظة زهق ولوعة جبد

من بعد ما دخلت و غصت في زحمة بنات .. الروح عالروح

,

سؤال البعض يشوفه بسيط و ماعندي سالفة يمكن @@ـ

ما أدري متى بنكون ناس نظاميين نمشي عالنظام ..

.

وحتى لو المكان مافيه نظم وقواعد للتنظيم ..

المفروض الشخص من نفسه .. مايكون هو و الهندي واحد

مايفهم بالنظام .. وكانه جاي من كوكب ثاني

.

.

.

.

موقف

اليوم رحت لدكتوري .,ـوانا واقفه عند الريسيبشن ..

., وتجي هذيك الاجودية وتوقف قدامي

..

ماأدري شايفة نفسها ضعيفه .,

وانه فيه مجال توقف بين الطاولة وبيني @@ـ

..

حاجة عجيييييييبه ..

طيب وانا يعني .. طول بعرض < الطول زيادة من عندي

الواحد يحترم الناس اللي واقفه ..

وأضعف الايمان لو كنتي مستعجلة استأذني ..

والله العظيم ما راح أردج

..

لكن ما باليد حيله : \

.

.

.

..,’\‘

....

.

.

.

على طاري دكتوري ..

ما أدري شفيهم العالم معاي .,!ـ

سبحان الله اذا الواحد مايحب طاري شي ..

يعلقون عليه ,. ومايبقى أحد قريب أو بعيد ما يجيب طاري هالشي

..

هالمره شاءت الأقدار .. انه اللي ما أحب طاريه هو السفر ..

ومابقى أحد ماقالي عن مشاريعه في الصيف

ودي أقولهم قبل لايفتحون السيرة ., ترا العين حق ياهووو

’

..‘

حتى دكتوري اللي عمره ماسولف معاي .. يقولي انا بسافر شهر 7

ARE YOU TRAVELING ?

مارديت عليه .. كظمت الغيظ ههه وسكت

.,

.

.

.

.

.

.,’\

عندما توشك الكآبة من النيل مني ..

ببساطة أرحل

غير انه مجرد ادعاء ..

تستمر الحياة

تستمر الامور سوء .,!ـ

.

.

.

اتبع اللوائح .. والنظام

تسلم من الغبار

ومن حبنا لها ., بنوفر لها

.

.

.

.,’

..

' 76r

’.,\

.

.

بما أنه الهذرة والقرقة اللي على قل سنع

شي أساسي لتكوين صداقات هاليومين

..

..

.,’

ودي اسولف .,

من زمان ما كلمت صديقاتي ولاشفتهم .. فاقدتهم حييل

أوقات يسوون فيني دقة أنه وحدة منهم تتصل وتسألني سؤال غريب

وبعدين تقول .., بكلمك بعد شوي السالفة خطيره ومابي أحد يدري عنها

تسكر الخط وتخليني بـ لقعتي وفضولي يقطعني .. ابي اعرف السالفة

وبالاخير تنقعني اسبوع وتنسى الاخت السالفة الخطيره @@

..
..

(( ما أتوب من حركات عندي لك سالفة خطيره ))

..
..

..
..

ومن الاساليب الملتوية .. لأستخدام السوالف كـ فخ لأمثالي

تكلمني بنت خالتي عندي لك سالفة خطييره ., ماتنقال عالجوال

تعالي بيتنا .. واقولك

.,’

طبعاًَ ما اصدق خبر .., اطيير لبيت خالتي

رحت .. تقهويت ..حشيت .. تعشيت .. بروح البيت

وين السالفة .!؟

ماكو

..
..

....

..
..

فلاش

كنت قاعده اشوف مسلسل سخيف .., وقاعده اعلق على الممثلة وهي تقول

انا يجيني شعور غريب أوقات اخاف .. احس بقوه "

احس بحب .. احس بحزن .. مشاعر غريبه"ـ

..
,

شكووو مشاعر غريبه .!

هذي مشاعر طبيعية تداهم كل انسان طبيعي يحس فيها .. جايبه شي جديد يعني .,!؟

قلت التعليق وضحكنا عليه ... ماسمعت إلا اتوش الصغيره تقول عتريس

.,

آنا مثلها .. مرات اذا احد خلاني ابجي اكرهه .. لكن لما تنزل دموعي احبه

طبعاً انا يوم سمعتها خلاص ابي اضحك ..

:D لكن موقادره اضحك قدامها

..
..

..,

.

.

سوالف طفلة مشاغبة .. دلوعة

..

اذا حبت تسولف مع الكبار فهي مستمعه جيدة .. و متحدثه بأسلوب أكبر من سنها

أما مع الصغار فهي القائدة .. اذا قصت شعرها الشلة كلهم اليوم الثاني ماشين على خطاها

مربية أجيال ماهره .. تراقب الاطفال وتساهم في كشف أسرارهم

..
..

أوقات تجي بالوقت الضايع أكون مشغولة .. أو مالي مزاج أسمع لها

تكون مجهزه لستة سوالف ..

الاولى استقبل السالفة بابتسامه واهز راسي

.,’ الثانية عيوني مو معاها

الثالثة تزعل علي .. وتقول الشرهه على اللي يسولف لك :\

..,’‘

..
..

.

.

فديتها بطّتي

(علي امتحاان بكرا الله يعين ويسهل)

.

.

.

.,’\!

.

.,’\

’‘\

Robin w. كنت اشوف فلم لـ

The shutter is clicked
the flash goes off and they've stopped time

just for the blink of an eye।

ما كملت الفيلم عند هذا المشهد .. رحت غرفة الوالدة
صندوق قدييم .. مليااان صور ,, كل صورة كانت لها حكاية
صور مكتوب وراها سالفة وموثقة بـ تاريخ .,’
صور لـ مراهقة أمي وصديقات العمر .,
ما أدري ليه صورالوالد كانت محصورة بالعمل وسفرياته.,’!ـ
..,’

شفت صور ضحكتني لـ قدمهاا ولـ موقفها
تمنيت لو الوقت يرجع لحظتها .,
بكيت على جدتي وعلى وقت ضيعته ..بدون ما أحب يدها وراسها
لما اتضايق لمجرد الدلع الزايد ومافي سبب حتى اتضايق .,
كانت تحاول انه تعرف السبب ..
لين ماتتعب معاي وتشوف مافي أمل ..تقول تبين فلوس
.
.,’‘
.
.
7\2003
.,

مطلوب مني اني اوقف قدام شرطي يوناني
حتى نصوره بدون لايدري .. من باب اللقطة مأخوذه لي
شفت الصورة نصف وجهي طالع ووراي اليوناني ., ما اهتميت للشخص المطلوب
,

تأملت ملامح وجهي وكأني لأول مره اشوف نفسي .,
أسخف شعور انك تكابر على شي وتقول لا ., وفي لحظه تنصدم انك خطأ
لحظتها استوعبت اني اشبهها حد الجنون ., تاهت ملامحي وكأنها هي قدامي مو انا .,
طاليت حييل هالسـ\فكرة

...

...
أوقات شي بسيط .. مجرد صورة.. موقف .. تذكر الواحد بحاجة ..... ,,!ـ
ومن يومها كرهت التصوير ..

One Hour Photo

.,’‘\

1st try

....

يومياتي ,, شغبي ,, أوقات تكون ملونة وأوقات أبيض و أسود.,!ـ

مجرد كتابة لـ حياتي و حلمي .,ماتنوخذ على محمل الجد أو الخال